Абслугоўванне рахункаў і разліковыя аперацыі

ЗАТ «ГК Банк» прапануе сваім кліентам:

• бясплатнае адкрыццё рахункаў у беларускіх рублях і замежнай валюце;
• аперацыі з наяўнымі грашовымі сродкамі;
• безнаяўныя плацяжы;
• прывабныя курсы пры ажыццяўленні валютна-абменных аперацый;
• прадастаўленне пiсьмовых адказаў па пытаннях абслугоўвання і выпісак з рахункаў;
• кансультацыі па пытаннях абслугоўвання і дапамога ў афармленні разліковых дакументаў;
• адкрыццё дабрачыннага рахунку

У адпаведнасці з рашэннем праўлення ЗАТ "ГК Банк" працэнтная стаўка па рэштках на бягучых (разліковых) рахунках у беларускіх рублях і замежнай валюце з 01.01.2022 складае 0,0000001% гадавых. 

З 12.09.2026 года ўступіў у сілу Указ Прэзідэнта Рэспублікі Беларусь ад 07.09.2026 года № 304 «аб фондах і дабрачыннай дзейнасці ў сферы аховы здароўя», якім урэгуляваны пытанні адкрыцця дабрачынных рахункаў для збору і выкарыстання сродкаў для фінансавання аказання медыцынскай дапамогі.

Фізічная асоба мае права адкрыць не больш аднаго дабрачыннага рахунку:

- для сябе з прычыны патрэбнасці ў аказанні медыцынскай дапамогі;

- для збору грашовых сродкаў на аказанне медыцынскай дапамогі мужу (жонцы), блізкім сваякам (бацькам, усынавіцелям (удачарыцелям), дзецям, у тым ліку усыноўленым (удачароным), родным братам і сёстрам, дзядулі, бабулі, унукам), непаўналетнім і (або) паўналетнім асобам, якія знаходзяцца пад апекай або папячыцельствам гэтых фізічных асоб.

Для адкрыцця дабрачыннага рахунку фізічная асоба прадастаўляе ў Банк заяву з указаннем у ім мэты яго адкрыцця і гранічны памер (ліміт) збору грашовых сродкаў. Да заявы на адкрыццё дабрачыннага рахунку ў абавязковым парадку неабходна прадаставіць:

- медыцынскі дакумент, які пацвярджае наяўнасць захворвання асобы, якая мае патрэбу ў аказанні медыцынскай дапамогі, выдадзены ў адпаведнасці з заканадаўствам аб адміністрацыйных працэдурах;

- копіі дакументаў, якія пацвярджаюць шлюбныя адносіны і (або) адносіны сваяцтва, або копія рашэння (выпіскі з яго) аб усынаўленні (удачарэнні), копія рашэння аб устанаўленні апекі (папячыцельства) - у выпадку, прадугледжаным у абзацы трэцім падпункта 3.3 пункта 3 Указа.

Дабрачынны рахунак адкрываецца банкам на падставе дагавора дабрачыннага рахунку. Гранічны памер (ліміт) збору грашовых сродкаў, указаны фізічнай асобай у заяве, паказваецца ў дагаворы дабрачыннага рахунку.

Адказнасць за правамернасць адкрыцця дабрачыннага рахунку, дакладнасць дакументаў, што прадстаўляюцца ў Банк, ускладаецца на фізічную асобу, якому адкрываецца дабрачынны рахунак.

Фізічныя асобы абавязаны:

у выпадку адкрыцця да ўступлення ў сілу ўказа, больш аднаго дабрачыннага рахунку на кожную з мэт, на якія яны былі адкрыты ў двухмесячны тэрмін (не пазней за 12 лістапада 2026 года) забяспечыць пералік грашовых сродкаў, якія знаходзяцца на іх, на адзін з адкрытых дабрачынных рахункаў з улікам патрабаванняў часткі чацвёртай пункта 6 Указа з адначасовым закрыццём іншых дабрачынных рахункаў;

прадастаўляць у мясцовыя выканаўчыя і распарадчыя органы иинформацию пра паступленне і расходаванні грашовых сродкаў, сабраных у рамках дабрачыннай дзейнасці ў сферы аховы здароўя, не пазней за 31 сакавіка кожнага каляндарнага года.